Министерството за внатрешни работи денеска соопшти дека во последното деноноќие има вкупно пет пријави за семејно насилство, додека три лица се лишени од слобода.
Во СВР Скопје синоќа околу 22:25 часот, 33-годишна жена од Скопје пријавила дека околу 21:00 часот во семејниот дом во скопско, по претходна расправија, била физички нападната од нејзиниот 39-годишен сопруг.
Вчера во 16:30 часот, полициски службеници од СВР Скопје го лишиле од слобода И.И.(50) од скопско, постапувајќи по претходна пријава од неговата 46-годишна сопруга дека околу 08:00 часот во семејниот дом, по претходна расправија, физички ја нападнал.
Утрово во 06:00 часот, полициски службеници од ОВР Неготино го лишиле од слобода И.А.(18) од Неготино, постапувајќи по претходна пријава од неговата 36-годишна мајка, дека физички ја нападнал и ѝ се заканувал на неа и на неговиот малолетен брат. Тој бил задржан во полициска станица, известен бил јавен обвинител и Центар за социјални работи Неготино.
Во СВР Скопје вчера во 20:30 часот, 43-годишна жена од Скопје пријавила дека околу 15:00 часот, нејзиниот сопруг, со кого не живеат заедно и имаат нарушени односи, физички ја нападнал неа и нивната малолетна ќерка.
Синоќа во 23:35 часот, полициски службеници од ОВР Виница го лишиле од слобода Н.П.(37) од виничко село, постапувајќи по претходна пријава дека во семејниот дом со неговата мајка физички ја нападнале неговата 22-годишна сопруга.
Од МВР посочуваат дека се преземаат мерки за расчистување на случаите и најавуваат дека по нивно целосно документирање против сторителите ќе бидат поднесени соодветни пријави.
