Американскиот претседател Доналд Трамп изјави дека е подготвен да почека „неколку дена“ за одговорот на Иран на најновиот предлог од Вашингтон, насочен кон завршување на војната, но предупреди дека ситуацијата може брзо да ескалира доколку Техеран не даде „соодветни одговори“.
Овие изјави доаѓаат веднаш по соопштението на иранското Министерство за надворешни работи дека Техеран разгледува нов американски предлог, кој наводно бил доставен преку пакистански посредници. Пакистан досега бил клучен канал за комуникација меѓу двете страни, откако ја организираше и единствената официјална рунда мировни разговори меѓу Иран и САД.
