Реклама

30-дневен притвор за Кристијан Корабоски, кој до бесознание ја претепа Сара

Панел-дискусии во Собранието по повод 35-годишнината од донесувањето на првиот Устав

Успешен старт на предвремениот откуп на тутунот – 435 денари за прва класа, најавено зголемување на субвенциите

Реновираниот студентски дом „Кузман Јосифовски – Питу“ ќе биде отворен во јануари, од февруари сместување

„Јавачи на трагедии“: Во отсуство на идеи, СДСМ спасот го гледа во злоупотребата на народниот гнев

35 години Устав на Македонија: Кратка, но и повеќе од бурна историја- до сега менуван осум пати, сега под бугарски притисок за нови измени

Кравите од Крива Паланка стигнаа до НАТО: градоначалникот бара меѓународна помош

АНБ и БЈБ открија проиранска мрежа која обучувала македонски државјани за атентат во Грција

Правда за Сара: Остри реакции од политичките лидери и партии

МКЦ се враќа на старите патеки: Новото издание на МОТ почнува на 18 ноември

Од барање за 30 дена кризна состојба до 10-дневна магија: Како градоначалникот Митовски ќе ги собира кравите во Крива Паланка?

Димитриеска-Кочоска: Буџетот за 2027-ма носи раст и јавен долг под 60% од БДП

Свет

Трамп призна дека Конгресот ги потврдил изборните резултати, но не му честиташе на Џо Бајден

Иако од неговиот мандат остануваат уште само 11 дена, се погласни се…

Сподели:
Фото: Алфа Вести

Иако од неговиот мандат остануваат уште само 11 дена, се погласни се повиците за отповикување на Доналд Трамп. Американскиот Устав ја дава таа можност.

По насилните протести претседателот во заминување се обрати до нацијата.

“Како и сите Американци и јас сум револтиран од насилството и беззаконието.”- изјави Доналд Трамп, претседател на САД.

Реклама

Доналд Трамп призна дека Конгресот ги потврдил изборните резултати, но не му честиташе на Џо Бајден, а на Твитер напиша дека нема да присуствува на инаугурацијата.

“Мојот фокус сега е кон непречена, мирна и уредна транзиција на власта.” – изјави Трамп.

Претходно новоизбраниот претседател со остра порака за неговиот претходник.

“Тој започна целосен напад на нашите институции и на нашата демократија уште од почетокот.” – вели Џо Бајден, новоизбран претседател на САД.

Бајден не ги коментираше се погласните барања за отстранување на Трамп пред истекот на мандатот поради поттикнување на насилство.

Демократите и во Сенатот и во Претставничкиот дом сакаат да биде имплементиран уставниот Амандман 25 кој предвидува отповикување на актуелен претседател.

“Тој мора да биде отстранет од функцијата. Иако остануваат само 13 дена, секој ден може да биде хорор шоу за Америка.” – изјави Ненси Пелоси, претседателка на Претставничкиот дом

И дел од Републиканците бараат отповикување на Трамп.

“Се укажува дека претседателот се оддалечил, не само од својата должност и заклетва туку и од реалноста.” – рече Адам Кинзигер, конгресмен од Републиканската Партија.

25-от Амандман овозможува отстранување од функцијата на претседател кој „не е способен да ги извршува своите права и обврски“ преку гласање на потпретседателот и на мнозинството од Кабинетот.

Засега ниту потпретседателот Мајк Пенс ниту некој од државните секретари јавно не се произнеле за ова.

“Со оглед на преостанатото време мислам дека ќе има пречки, и практични и правни, за да се направи тоа. Може да се направи, но би било многу тешко.” – вели Џон Фортиер, Институт American Enterprise.

Во меѓувреме федералните обвинители велат дека водат истрага за нередите и дека ќе поднесат обвиненија за сите кои ги поттикнале, што евентуално би можело да значи и за Доналд Трамп. Тој ги повика поддржувачите да се упатат до Конгресот и да ги притиснат законодавците да не ја потврдуваат победата на Џо Бајден.

“Сликите се шокантни и тажни. Мислам дека е тажна, но до некаде и предвидлива завршница на подривањето на демократија од страна на претседателот.”– изјави Џејсон. Грумет, Центар за двопартиски политики.

Ненси Пелоси изјави дека доколку Мајк Пенс не го искористи Амандманот 25 Претставничкиот дом можеби повторно ќе поведе постапка за импичмент на Доналд Трамп. Пред само една година обидот за негово отповикување на овој начин не беше успешен.

“Конгресот не заседава до следната недела. Во главниот град на Соединетите Држави е прогласена вонредна состојба во следните две недели, до по завршувањето на инаугурацијата на Џо Бајден која е закажана за 20-ти јануари.”

За Алфа, од Гласот на Америка, Никола Крстиќ во Вашингтон.