Обвинителството бара притвор и за 24-годишниот битолчанец кој физички и психички ја малтретирал, ја тепал и со голи раце ја давел својата 21-годишна девојка.
Мерката се бара за да се спречи негово повторно бегство, откако минатата среда тој избега низ прозорец од полициска станица, а по пет дена бегство сам се предаде. Обвинителството соопшти дека на 10 ноември, по претходна расправија, осомничениот започнал да ја дави жената, а потоа со тупаници и шлаканици ја удирал по главата и телото. Во пријавата девојката навела дека подолг период била физички и психички малтретирана и добивала закани.

