Американскиот претседател Доналд Трамп порача дека САД ќе ја вложат целата своја економска моќ за да обезбедат инвестиции и просперитет за Унгарија. Изјавата доаѓа во контекст на изборната кампања на Виктор Орбан, кој има поддршка од Вашингтон.
„Мојата администрација е подготвена да ја употреби целата економска моќ на Соединетите Држави за да ја зајакне унгарската економија, како што сме правеле за нашите големи сојузници во минатото, доколку тоа им е потребно на премиерот Виктор Орбан и на унгарскиот народ. Подготвени сме да инвестираме во идниот просперитет кој ќе се создаде под негово раководство“, изјави Трамп.
Ова е втора негова порака за поддршка на Орбан, објавена само два дена пред изборите во Унгарија, кои се одржуваат на 12 април.
Американскиот потпретседател Џеј Ди Венс ја посети Унгарија за лично да му изрази поддршка на Орбан, во изборна трка во која Вашингтон е наспроти Брисел, од каде се дава поддршка за опозициската партија Тиса, предводена од Петар Маѓар.
