Американскиот претседател Доналд Трамп го поддржа унгарскиот премиер Виктор Орбан пред изборите во Унгарија.
„Горд сум што го поддржав Виктор за реизбор во 2022 година и ми е чест што го правам тоа повторно“, напиша американскиот претседател на неговата социјална платформа, додавајќи дека односите помеѓу Унгарија и САД под неговата администрација достигнале ново ниво на соработка и спектакуларни достигнувања, во голема мера благодарение на премиерот Орбан.
Парламентарните избори во Унгарија се закажани на 12 април, а Орбан се соочува со најголемиот предизвик во неговото владеење откако партијата Фидес првпат победи на изборите во 2010 година. Според анкетите, опозициската централно-десничарска партија Тиса има поголем рејтинг од владејачката Фидес. Исто така, резултатите од испитувањето на јавното мислење сугерираат дека ултрадесничарската партија Нашa Татковина може да освои пратенички места.
