Американскиот претседател Доналд Трамп изјави дека ќе покрене судска постапка против „Би-би-си“ поради начинот на кој бил монтиран неговиот говор во емисијата „Панорама“, откако радиодифузерот се извини, но одби да му исплати оштета.
„Ќе ги тужиме за оштета помеѓу една и пет милијарди долари, веројатно следната недела“, изјави тој. Во четврток, Би-би-си соопшти дека монтирањето на говорот на Трамп од 6 јануари 2021 година ненамерно создало лажен впечаток дека претседателот директно повикал на насилство. Би-би-си му се извини на американскиот претседател, но рече дека нема да плати финансиска отштета.
