Американскиот претседател Доналд Трамп изјави дека Иран сака да постигне договор, а не да се соочи со воена акција, и покрај инсистирањето на Техеран дека неговите ракетни и одбранбени системи никогаш нема да бидат предмет на преговори.
Иранскиот министер за надворешни работи, пак, соопшти дека засега нема планирани разговори со САД, но додаде дека Техеран е отворен за преговори засновани на „меѓусебно почитување“ и доверба. Иран инсистира дека неговата нуклеарна програма е целосно мирна и постојано ги отфрла обвинувањата од САД и нивните сојузници дека се обидува да развие нуклеарно оружје.
