Скопје, Куманово, Тетово и коридорите 8 и 10 се местата каде што, во првата фаза, од први февруари ќе почне да функционира системот „Сејф сити“, соопшти министерот за внатрешни работи Панче Тошковски.
Тој изрази надеж дека до јуни или јули следната година, овој систем ќе биде имплементиран низ целата држава, а истакна и дека е уверен оти до крајот на 2026 година безбедносните камери ќе функционираат во сите градови во Македонија.
Тошковски најави и построги мерки за сообраќајните прекршоци. Во иднина, доколку возач има три забрани за управување моторно возило, возачката дозвола ќе му биде целосно одземена, односно ќе мора повторно да полага возачки испит.
