Се гласа и во Македонија. Државјани на Србија и Бугарија можат да го остварат своето избирачко право. Вкупно 1.438 српски државјани се пријавиле за гласање во Македонија. Гласањето на српската дијаспора е организирано на 93 избирачки места во 37 држави, меѓу кои и во земјава, каде што се гласаше во Амбасадата во Скопје и во почесниот конзулат во Куманово.
Многу слаб интерес има во Македонија за претседателските избори во Бугарија, каде што на седум определени избирачки места низ земјата за гласање се пријавиле едвај 265 бугарски државјани.
Бројот на заинтересирани гласачи бележи пад во однос на претходните парламентарни избори, одржани во април 2026 година, кога во Македонија својот глас го остварија вкупно 463 лица со бугарски пасоши.
Според податоците од пописот од 2021 година, во Македонија како Бугари се изјасниле 3.504 лица, додека официјалните статистики од бугарските институции покажуваат дека околу 216.000 македонски државјани досега добиле бугарски пасош.
Во претходните изборни циклуси, од 2022 до 2024 година, излезноста во земјава се движела меѓу 320 и 460 гласачи.
