Светска банка: Нафтата може да достигне до 115 долари

Светската банка во нов извештај предупредува дека војната на Блискиот Исток може значително да ги зголеми цените на енергенсите, со проектиран раст од 24 отсто во 2026 година. Во извештајот се наведува дека конфликтот веќе предизвикал еден од најголемите шокови во снабдувањето со нафта, со почетен пад на глобалната понуда од околу 10 милиони барели дневно. Цената на нафтата „брент“ веќе во средината на април била за околу 50 отсто повисока во однос на почетокот на годината. За 2026 година се предвидува просечна цена од 86 долари за барел, наспроти 69 долари во 2025 година. Во полошото сценарио, доколку конфликтот се продлабочи или дојде до нови оштетувања на клучната инфраструктура, цената на нафтата би можела да порасне и до 115 долари за барел, се наведува во извештајот објавен на веб-страницата на Светската банка.