Трагедија во скопската наслеба Кисела Вода. 69 годишна жена и деветгодишно дете синоќа паднаа од шести кат на нивната зграда. Жената паднала врз ограда и починала на самото место, а детенцето слетало на трева,преживеало и е хоспитализирано на Клиниката за детска хирургија. Тоа е во стабилна состојба,но има сериозни повреди на главата, ребрата и на внатрешните органи.
Засега нема детали што точно се случило. Од тоа што се знае, 69 годишната жена бил баба на детенцето кое и било оставено на чување. Детето било со аутизам, но нема информации како и зошто паднало од прозорот, само дека за време на трагичната несреќа неговите родители не биле дома. Нејасно е и како паднала бабата – Дали во обид да го спаси детето или намерно скокнала од прозорот откако внучето претходно паднало.
Настанот се случил вчера во 19:40 часот И се преземаат мерки за расчистување на случајот. Соседите се потресени од трагичниот настан не сакаа да зборуват пред камера. Според информациите од полицијата најверојатно станува збор за несреќен случај.
