Претседателот на Собранието, Африм Гаши денеска оствари средба со амбасадорката на Република Хрватска, Нивес Тигањ.
На средбата, како што информираат од собраниската прес-служба, биле потврдени блиските пријателски односи и традиционалното партнерство меѓу двете земји, кои претставуваат цврста основа за унапредување на билатералната соработка, но и позитивен пример за градење добрососедски односи и придонес кон стабилноста и просперитетот на регионот.
Соговорниците размениле мислења за актуелните случувања во земјата и во регионот, при што била истакната силната и недвосмислена политичка и техничка поддршка што Република Хрватска ја обезбедува за европската перспектива на државата и напредокот во евроинтегративен процес.
