Сеуште не се знае дали се водат преговори на релација Техеран- Вашингтон.
Според едната страна војната е при крај, според другата не постојат никакви разговори за мир.
Официјален Техеран потврди дека го добил американскиот предлог од 15 точки за прекин на американско-израелската офанзива кои опфаќа клучни прашања како укинување на нуклеарната програма, гаранции за регионалната безбедност, а за возврат Иран би добил ублажување на санкциите.
Шефот на иранската дипломатија зборувајќи за предлогот на САД рече дека го разгледуваат, но тоа не значи дека сакаат да преговараат.
„Тие изнесоа идеи што им беа пренесени на највисоките власти (на Иран) и доколку е потребно, ќе дадат одговор“,ова е војна на Израел, и луѓето од регионот и луѓето од САД ја плаќаат цената за тоа“, изјави Абас Арагчи министер за надворешни работи на Иран
Американскиот претседател Доналд Трамп изјави дека Иран очајнички сака да постигне договор за мир, но певите лууѓе на земјата се плашат јавно да го соопштаат тоа.
„Тие преговараат, патем, и се желни да го постигнат овој договор“,„Но, тие се плашат да го кажат тоа бидејќи мислат дека нивните луѓе ќе ги убијаили дека ние ќе ги убиеме“, изјави Доналд Трамп.
А на терен ситуацијата останува иста.
Израел соопшти дека нападнал во срцето на главниот град, Техеран, и дека целта му бил објект за развој на подморници во централниот град Исфахан.
Сирените се слушале рано изутрината во делови од Тел Авив и градови во централен Израел. Саудиска Арабија пресретнала повеќе беспилотни летала над богатата со нафта Источна провинција, а воздушната одбрана на ОАЕ, исто така, неутрализирала ракети.
Спротивставените информации за тоа дали се водат преговори меѓу Иран и САД повторно ја зголемија цената на нафтата.
По вчерашниот пад на 98 долари за барел , денес таа повторно ја надмина границата од 100 долари и достгна цена од 104 долари.
Мартин Трајчевски
