Книгата на жалост ќе биде отворена за сите граѓани во следните шест дена, секој ден од 10 до 19 часот.
Денеска во Книгата на жалост се потпиша претседателот на Собранието, Африм Гаши.
„Со скршено срце и вознемирен дух, длабоко емотивно потресен, ги пишувам овие редови во оваа Книга на жалост, со надеж дека ова ќе биде последната Книга на жалост отворена во ова Собрание. Трагичниот настан во Кочани и загинувањето на околу 60 млади лица е последен аларм за сите политички и општествени фактори – време е да се вратиме кон себе, кон нашата хуманост и конечно да се издигнеме како феникс. Да ја обновиме оваа држава од почеток, но врз основа на ПРАВДА, ЧЕСНОСТ, ЧИСТА СОВЕСТ и ИСКРЕНОСТ. Семоќен Боже, смилувај се на нивните души, а твојот мир и милост нека ги обземат нивните најблиски и сите граѓани на државата“, напиша Гаши.
Граѓаните кои сакаат да се потпишат во Книгата на жалост, може да влезат во Собранието преку страничниот влез – од страната на АРМ.
