Скопје полека станува атрактива туристичка дестинација за странците. Откако излегоа бројките дека македонија годинава има Рекорден број на странски туристи, може да се забалеѓи и промена а нивниот интерес. Иако Охрид останува како најатрактива и најпосетена дестинација, сепка странските туристи почнуваат да ги откриваат и другите убавини на Македонија. Поттикнат од зголемениот број на авиолинии, богата култура, дневни тури и гастрономија, главниот град бележи најголем раст во последниве години.
„Најголем дел од посетите на туристите како туристи кој што имаат ноќевање се во југозападнмиот регион, односно охридско-струшката ривера, над 40% се таму. А Скопје има 38% како број на туристи.“- вели Влатко Сулев од Националната асоцијација на дојдовен туризам.
Сепак Охрид останува најголема атракција за странските гости. Неговото природно и културно богатство, езерото и историските знаменитости и понатаму го задржуваат на врвот на листата на најпосетени дестинации.
Туристите се почесто го комбинираат престојот. Неколку дена во Скопје, а потоа продолжуваат во другите македонски градови, а потоа и Балканот.
„Ни се допаѓа атмосферата, луѓето и чувството што го има градот. Дојдов затоа што не многу луѓе биле тука, па некако ми е како да откривам ново место. Имам директен лет до овој регион.“-велат туристите.
Експертите велат дека бројките навистина се за гордеење. Но сепак треба да се стремиме кон развивање на другите дестинации, туристичките агенции да нудат и други тури со цел да се задржат туристите во Македонија.
Инаку Македонија бележи раст од рекордни 40% на туризмот на годишно ниво. Нашата држава е позиционирана на врвот во привлекување на нови туристи, а светската банка ја препозна како најдобар пример за држава со најголем раст на авиолетови и туризам во Европа и централна Азија. Надлежните најавуваат уште повеќе инвестиции во авиосообраќајот и туризмот.