Сите пациенти од престрелката во Тетово се згрижени, еден е во тешка но стабилна состојба.
Од Клиниката за траумотологија велат дека биле примени четворица, тројца биле со огнострелни повреди, а еден со скршеница на натколеница. Биле извршени три хируршки интервенции.
Инаку престрелката во која има и еден убиен се случи вчера напладне кога лица од две возила во движење пукале еден кон друг. Во престрелката направиле и сообраќајка.
По инцидентот, едниот автомобил побегнал. Според проверките на полицијата, се работи за возило со тетовски регистарски таблици кои се одјавени, а во сопственост на 19 годишник од тетовското село Гајре. Другиот автомобил е пронајден на лице место. Во него и едно безживотно тело на маж со прострелни рани од огнено оружје.
