Ги исчистил трагите од крв, го измил телото и го подготвувал за погреб. 33 годишниот гостиварец се обидел да го прикрие убиството на неговиот неговиот 63 годишен татко и да го прикаже како несреќа односно пад во када.
Случајот излезе на виделина по анонимна пријава од странски телефонски број. Основното обвинителство од Гостивар поднесе кривична пријава за свирепо убиство и веќе е побаран притвор.
„По пријавата, полициските службеници и јавен обвинител извршиле увид на лице место, по што веднаш била наредена обдукција“, се наведува во соопштението на Основното Обвинителство – Гостивар.
Според информациите од Обвинителството, трагедијата е резултат на претходни меѓусебни недоразбирања. По кратка расправија, синот физички го нападнал својот татко, задавајќи му удари со рацете и со тврди метални предмети.
Од тежината на здобиените повреди, таткото починал на лице место. Ова убиство доаѓа како нов шок, откако јавноста беше потресена само ден пред тоа кога дозна дека во Росоман, 24 годишно момче си ја убило мајка си, додека таа спиела, а потоа сам се пријавил во полиција.