Матичните лекари , гинеколозите и стоматолозите од месецов добиват повисок капитациски бод.. За општа медицина и гинекологија ќе се зголеми од 75 на 100 денари, додека за стоматологија од 61 на 75 денари . Ова ќе значи повисоки плати и помотивирани лекари, а зголемувањето доаѓа по повеќегодишна стагнација во периодот 2019-2022 година кога бодот изнесуваше 63 денари
Од 2015 година до сега, капитацијата за општа медицина порасна од 50 на 100 денари-удвојување на вредноста за една деценија. За гинекологијата исто така имаме раст од 50 на 100 денари, додека за стоматологија од 35 на 75 денари, што е зголемување за 114%. Потценетоста на примарната здравствена заштита доведе до намалување на бројот на амбуланти во 2024 година во однос на 2023 година за 34 амбуланти по општа медицина и 24 по стоматологија, а над стотина помалку амбуланти по општа медицина има сега во однос на 2015 година, рече Мицкоски.
Од државaта за зголемувањето ќе се издвојат околу 550 милиони денари или над 9 милиони евра .. Капитацијата во примарното здравство за прв пат се покачува за 25 отсто, ваквиот чекор треба да придонесе општите лекари да прават и други прегледи како скриниг програми и превенција кои можат да ги извршат без да се праќа пациентот кај специјалист, на пример како ехо преглед
Примарното здравство се соочува и со опасност да има недостиг на лекари поради високата просечна возраст на матичните лекари. Со зголемувањето на капитацијата се очекува да се мотивираат помладите лекари да работат во примарното здравсво . Од Фондот за здравство посочуваат дека реален раст на приходите може да има со зголемување на работата и продуктивноста
Инаку, за само шест месеци платите достигнаа зголемување од 4.815 денари за здравствените работниви додека за медицинските сестри со мартовското покачување од 2500 денари, вкупно од ноември добија 6.200 денари. Со овој пораст на нивните примања, просечната плата на медицинските сестри со средно образование е околу 500 евра.
Од владата информираат дека со здравствените синдикати постигнат е договор за покачувањето на платите во здравството во следните четири години да достигне дури 50 проценти.