Се забрзуваат активностите за финализирање на мировниот план за Украина. Американскиот претседател Доналд Трамп го испраќа Виткоф во Москва на средба со Владимир Путин, додека секретарот на армијата Дрискол паралелно ќе разговара со украинската страна. Трамп е оптимист дека ќе се постигне договор.
Украинскиот претседател Володимир Зеленски изјави дека е подготвен да се сретне со Трамп за да ги разгледа „чувствителните точки“ од планот. Пред членките на коалицијата на подготвените, преку видео-врска, Зеленски повика на зајакнување на воздушната одбрана на фронтот, продолжување на санкциите кон Русија и потпишување релевантен меморандум за гарантирање безбедност во случај на мировен договор.
