Американскиот министер за транспорт, Шон Дафи, изјави дека САД подготвуваат план за државно осигурување за бродовите кои поминуваат низ Ормутскиот теснец. Администрацијата на претседателот Доналд Трамп најавува и придружба на танкери низ овој клучен морски коридор. На прашањето кога планот би можел да стапи на сила, Дафи рече дека делот за осигурување е веќе подготвен, додека американската војска проценува безбедносни услови за почеток на придружбата. Ормутскиот теснец, низ кој поминува околу петтина од светската трговија со нафта, практично е затворен за танкерски сообраќај поради ескалацијата на борбите, што предизвика скок на цените на нафтата и сериозни нарушувања на енергетските пазари.
