Соединетите Американски Држави и Индија објавија рамка за привремен трговски договор. Ова доаѓа откако американскиот претседател Доналд Трамп во понеделникот објави договор со Индија за намалување на американските тарифи за индиските стоки од 50 проценти на 18, во замена за тоа Индија да престане да купува руска нафта и да ги намали трговските бариери.
Се очекува Вашингтон и Њу Делхи да потпишат формален трговски договор во март, по што Индија ќе ги намали тарифите за американските стоки.
Трамп го објави договорот на социјалните медиуми, истакнувајќи дека Индија сега ќе купува нафта од САД и потенцијално од Венецуела.
