Русија повторно жестоко го нападна Киев и други градови во Украина во текот на ноќта. Користени биле дронови и балистички проектили. Руските сили нападнале станбени населби и клучна енергетска инфраструктура. Се јавува за тројца загинати и десетина повредени.
Градоначалникот на Киев, Виталиј Кличко, изјави дека избувнале неколку пожари во висококатници. Една од погодените згради имала 22 ката. Во градот била погодена и црква, четири куќи биле целосно уништени, а во нападот е повредено 14-годишно момче.
