Русија изведе масовни воздушни удари во текот на ноќта врз цели во Украина. На мета се најде енергетската инфраструктура во областа на Одеса, предизвикувајќи пожари на неколку локации, соопшти Олег Кипер, началник на регионалната воена управа. Тој додаде дека нападите биле извршени со дронови, а пожарите се изгаснати.
Сирени за опасност од воздушен напад се огласија и во Киев и пошироката околина. Неколку експлозии одекнаа во центарот на главниот град на Украина.
Во нападите се повредени дете и жена, а многу луѓе ја минале ноќта во засолништа.
Како одговор на руските воздушни напади, военото воздухопловство на Полска соопшти дека се распоредени борбени авиони за заштита на полскиот воздушен простор.
