Релативно тивка ноќ во Србија и покрај тоа што веќе шест дена траат масовните протести во неколку градови низ државата.
Осем Белград, протести имаше и во Ниш и во Нови Сад. За разлика од претходните ноќи, кога имаше по десетина повредени во судирите меѓу полицијата и демонстрантите, синоќешните протести поминаа релативно мирно.
Инаку, секојдневните собири на демонстрантите се реакција на протестите во градовите Врбас и Бачка Паланка во Војводина, кога поддржувачите на владата ги нападнаа демонстрантите со огномет. Акциите на полицијата тој ден, исто така, го предизвикаа бунтот, кој демонстрантите го обвинија дека не презема ништо за да ги спречи нападите.
Српскиот претседател Александар Вучиќ најави дека државата ќе спроведе изненадувачки одлуки во следните „три или четири дена“ како одговор на антивладините протести, без да даде дополнителни детали.
