Регионална конференција во Скопје посветена на правата и инклузијата на лицата со попреченост

Во Скопје денес се одржа значајна регионална конференција посветена на унапредување на правата и инклузијата на лицата со попреченост. Претставници од меѓународни организации, граѓански здруженија, локални власти и експерти од Западен Балкан дискутираа за заеднички мерки за подобро вработување, образование и пристап до услуги. Како клучен резултат, договорено е формирање на регионална работна група и подготовка на заедничка декларација за инклузија. Настанот се реализира во рамки на проектот Empowered, со поддршка од германската влада. Заменик-министерот за труд и социјална политика, Ѓоко Велковски, истакна дека веќе се преземаат чекори за поголема пристапност на локално ниво, како и подобрување на комуникацијата со лицата со оштетен слух преку обезбедување повеќе преведувачи на знаковен јазик.