Дванаесет холандски лекари се во шестнеделен карантин поради контакт со телесни течности од пациент заразен со хантавирус од крузерот. Болницата соопшти дека ризикот е низок, но мерката е превентивна. Во Париз, Французинката заразена со вирусот е во критична состојба и на респиратор.
„Пациентката моментално има најтешка кардиопулмонална форма на болеста и прима последна фаза на поддржувачка нега, ставена е на респиратор за кој се надеваме дека ќе ѝ овозможи да го помине овој тежок период додека нејзините бели дробови заздравуваат“, изјави Ксавиер Лескур, специјалист за заразни болести во болницата Бишат, Париз.
Шпански патник е последниот потврден случај и е во карантин во Мадрид. Според СЗО, има 11 случаи, 9 потврдени и три смртни, меѓу нив холандска двојка. Аргентина испраќа научен тим за да го истражи потеклото на епидемијата, откако беше објавено дека починатата двојка, која прва се заразила на крузерот, претходно неколку месеци престојувала во земјата.
