Во Нови Сад продолжуваат протестите по повод обележувањето на десет месеци од трагедијата на железничката станица. Голем број граѓани се собираат пред факултетските објекти, каде атмосферата е напната.
Студентите, кои со месеци се во блокада, денеска решија на необичен начин да влезат во зградата на Факултетот за спорт и физичко воспитување – преку прозорци. На терен е присутно засилување од жандармеријата и интервентната полиција.
И покрај тензииите, студентите и граѓаните најавуваат дека нема да се откажат од своите барања и дека протестите ќе продолжат и во наредните денови.
