Во повеќе градови низ САД вчера се одржаа протести против претседателот Доналд Трамп и неговата администрација. Илјадници граѓани на Њујорк, Вашингтон, Лос Анџелес, Бостон, Нешвил и Хјустон изразија незадоволство поради војната во Иран, но и острите мерки против миграцијата и она што го доживуваат како сè поизразени авторитарни тенденции.
Протести се одржаа и во Европа. Илјадници луѓе маршираа и во центарот на Лондон како дел од протестите „Без кралеви“ против војната во Иран и постапките на шефот на Белата куќа.
