Проширувањето на ЕУ кон Украина, Молдавија и Западниот Балкан е клучно за нејзино зајакнување како геополитички играч, изјави претседателот на Европскиот совет, Антонио Кошта. Во овој мултиполарен свет, проширена Европска унија според него значи посилна, побезбедна и помирна Европа и дома и во странство: „За да го направиме проширувањето реалност, мора да дејствуваме на два фронта истовремено. Прво, треба да продолжиме со реформите во земјите кандидатки. Второ, Европската унија мора да се подготви да прифати нови членови“, рече Кошта.
