„Ти, убавино! Ти, Македонијо!“, „Македонија“, „Бесмисленост“, „Пеперуга“. Ова се дел од насловите во „Има така некои денови“, новата стихозбирка на проферсорката и македонистка Елка Јачева – Улчар. Поемите се посветени на татковината, на домот, на семејството, на блиските.
„Тоа се песни напишани во еден подолг период, од кој наголемиот циклус е настанат минатата година во летниот период. Во нив има застапено главно се работи за интимна лирика и провејува љубовта и кон татковината и кон најблиските… Во часови така во одмор, особено кога работам нешто сериозно, тогаш веројатно ми е така мозокот предодреден, па во тие мигови на одмор ми се раѓаа песните“ вели Елка Јачева – Улчар, автор на делото
Ова поетско дело ќе ја доживее својата промоција вечерва, а покрај литературно читање ќе има и музички дел.
„Вечерва ќе биде промоцијата во 19:30 часот во Музејот на Македонската револуционерна борба, стихови ќе чита нашата актерка Ирена Илиевска… Како промотор се јавува Деканот на Филолошкиот факултет проф. д-р Владимир Мартиновски, а збор ќе земе се разбира и издавачот на издавачката куќа СИВЕЈА Тихомир Јанчевски“ вели Елка Јачева – Улчар, автор на делото
Насловната страница на стихозбирката е илустрирана со сликата на Трајче Чатмов наречена „Прегратка“. Професорката Елка Јачева – Улчар е автор и на повеќе научни трудови, а е и добитник на наградата за животно дело „Гемиџии“ за 2023 година.
Давид Крстевски
