Премногу време поминато на интернет, намален број на активностиво реалниот свет, голем интерес за содржини со агресивно однесување во медиумите… Ова се дел од главните причини коиго поттикнуваат врничкото насилство, се посочува во проектот ,,Промоција на безбедна училишна средина,, кој го изготви невладиниот сектор во соработка со МОН. Се апелира дасе слушне гласот на учениците за проблемите со кои се соочуваат,а стручните лица да работат не само со жртвата туку и со насилникот. Претседателот на првата детска амбасада во светот Меѓаши – Драги Змијанац, вели дека во Македонија имаме голем проблем со врсничкото насилство.Присутно е насекаде и не се свдува само на физичко туку и верабално и сајбер насилство.
-Тешко се воспоставува родителска контрола а уште потешко на родител кон дете, а уште потешко триаголникот кој го инсистираме родител-училиште-ученик. Мора да ги сензибилизираме децата кога се случува насилство, дека секое насилство создава проблем особено кога станува збор за компромитирачки содржини– истакна Драги Змијанац од Меѓаши
Извршниот директор на ,,Коалицијата на младински организации СЕГА,,Зоран Илиески вели дека со Законот за основно исредно образование,на учениците им е обезбдено учество во разни ученичките организации, и тоа е патот кој треба да не води кон превенција од врсничко насилство…
-Сметам дека таа е алката која треба да ја изгради довербата и таа е алката која понатаму во училиштето треба да се слушне што е она што им смета и што е она што им треба истакна Зоран Илиески- директор на ,,Коалицијата на младински организации СЕГА,,
Станува збор за комплексна тема и не може да се посочи прстот само кон еден конкретен проблем,вели Елена Ивановска од МОН. Таа ја нагласи важната улога на сите вклучени во процесот за превенција на врсничкото насилство.
-Најлесно е да седнете и да напишете закон во кој што ќе кажете дека учениците имаат ученички парламент, ученички правобранител, суштината е тие мерки напишани на хартија да заживеат и драго ми е што учениците почнуваат да ја согледуваат својата значајна улога во градењето на една култура и средина каде што тие поминуваат поголем дел од времето истакна Елена Ивановска-државен секретар во МОН
За во иднина да се превенира врсничкото насилство треба заеднички да се делува за да им се овозможи на децата сигурен и безбеден училишен простор, заклучија учесниците на денешната панел дискусија.Со проектот ,,Промоција на безбедна училишна средина,, се опфатени 8000 деца, 50 средни и основни училишта, 1200 професори и 2000 родители.
