Во Флорида продолжуваат дипломатските напори за ставање крај на војната во Украина. Американскиот специјален претставник Виткоф е на средба со украинскиот шеф за безбедност Умеров во Мајами, по петчасовните разговори со Путин во Москва. Иако од Кремљ велат дека средбата не донела компромис, Трамп оцени дека разговорите биле разумно добри.
Зеленски смета дека Украина конечно е слушната и дека има шанса за крај на војната, но само ако дипломатијата оди заедно со притисокот врз Русија. Советникот на Путин, Ушаков, вели дека по руско-американските разговори расположењето е позитивно, имплицирајќи дека руските воени успеси одиграле важна улога во преговорите Вашингтон–Москва.
