Повторно трагична сообраќајка со смртни последици на патиштата ширум државата. Во синоќешна сообраќајна несреќа на регионалниот пат Гостивар – село Градец, животот го загуби 65-годишниот пешак З.Ш. од истото село, информира Министерството за внатрешни работи.
Несреќата се случила околу 20:25 часот кога патничко возило марка „Рено“ со гостиварски регистарски таблички, управувано од 30-годишниот Г.Б. од село Врапчиште, го удрило пешакот. Повредениот веднаш бил пренесен во Медицинскиот центар во Гостивар, каде што лекарите ја констатирале смртта. По наредба на јавен обвинител, возачот бил приведен околу 21:10 часот и задржан во полициска станица. Против него ќе биде поднесена соодветна кривична пријава.
