Работилница на која ќе биде презентирана студијата „Глобална иницијатива против транснационалниот организиран криминал – Интегритет и независност на кривичното правосудство на Западен Балкан“ (полиција и јавно обвинителство/ судски и антикорупциски органи) организира денеска во МАНУ, Здружението за кривично право и криминологија на Македонија.
-Студија ги опфати сите земји од Западен Балкан (Албанија, Босна и Херцеговина, Косово, Црна Гора, Северна Македонија и Србија) и ги анализираше состојбите и предизвиците во секторите на полицијата, јавното обвинителство, судството и антикорупциските тела. Двата извештаи даваат регионални прегледи на главните прашања и препораки за полицијата и обвинителството, судските и антикорупциските органи, како и извршните резимеа на националните извештаи со специфични препораки за секоја земја. Северна Македонија учествуваше со презентации од национални експерти, информираа од Здружението.
На работилницата ќе се обратат експертите кои учествуваа во подготовка на студиите, a во дискусијата ќе учествуваат истакнати научници и стручњаци од пракса.
