Специјалните претставници на американскиот претседател, Стив Виткоф и Џаред Кушнер, денеска пристигнаа во Москва. На аеродромот Внуково ги пречека специјалниот претставник на рускиот претседател за инвестиции и надворешна економска соработка и раководител на Рускиот фонд за директни инвестиции, Кирил Дмитриев.
Американскиот претседател Доналд Трамп синоќа изјави дека ги испраќа своите претставници Џаред Кушнер и Стив Виткоф во Москва и Киев со предлог за завршување на војната во Украина.
Денеска тие престојуваат во Москва, а утре во Киев.
Покрај тоа, Трамп повтори дека рускиот претседател Владимир Путин нема намера да го нападне Северноатлантскиот сојуз, откако Германија ја обвини Москва дека во почетокот на август испратила дрон наполнет со експлозив кон аеродромот во Лајпциг. „Разговарам со него. Многу добро го познавам“, додаде Трамп.
