Претседателката Гордана Сиљановска-Давкова денеска ќе престојува во работна посета на Општина Ресен. Како што информираат од Кабинетот на претседателката, Сиљановска-Давкова ќе оствари средба со градоначалникот Јован Тозиевски и со членовите на Советот на општината, ќе се сретне и ќе разговара со жители на Ресен.
Предвидено е да ги посети Спомен музејот на Татарчеви и Домот на култура „Драги Тозија“.
Во рамки на посетата, претседателката ќе го посети и индустрискиот капацитет, Свисслион Агроплод-Ресен, а на тема еколошката состојба на Преспа и езерото, ќе разговара со претставници на надлежни институции, невладини организации, како и со претставници на локалната самоуправа.
