Претседателката на државата Гордана Сиљановска Давкова вели дека не го разбира потегот на досегашниот министер за здравство Арбен Таравари да излезе од влада, говореше и за претходните критики на ДУИ околу нејзината изјава дека нема потреба од предвремени избори ако владата има 61 пратеник, дури и доколку албански пратеници ја напуштат коалицијата
„Да бидам искрена ова што го направи јас не го разбирам. Не го разбирам. Не сум видела знаете како сите ние понекогаш менуваме став, ама ова да не знаете кој е ставот и зошто е крајно невообичаено. Јас ги паметам дискусиите во парламентот за Раскољников, точно од една партија, па потоа Раскољников стана некој кој што може да се толерира. Значи не мислам дека се во право ДУИ кога вака зборуваат, но она што го велите вие кај нас да, некогаш кога ќе тргне лавината или топката да се тркала, таа добива некои чудовишни димензии. Мене ме чуди една друга теза овде кај вас што ја чув. Вака вели, бившиот министер за надворешни работи, сега ако излеземе на избори парламентарни и заедно со локални, тоа ќе ни обезбеди четиригодишен мир. Ништо не разбирам, како тоа, значи ако ДУИ е внатре, загарантирано е четири години мир. Тезата е нелогична“, изјави Гордана Силјановска Давкова.
