Околу 21 часот, полициски службеници од САЕ „Тигар“ го извадиле од водите на реката Вардар патничкото возило „Ауди“ со скопски регистерски таблички, во кое биле пронајдени три починати женски лица: Н.А. (23), В.А. (25) и З.А. (59), сите од селото Грчец, скопско.
На 2 јануари 2025 година, околу 16 часот, во СВР Скопје било пријавено дека патничко возило излетало од локалниот пат Сарај – село Рашче и паднало во реката Вардар. На местото на настанот веднаш пристигнале полициски службеници, Итната медицинска помош и јавен обвинител.
Лекар од Итната медицинска помош ја констатирал смртта на трите женски лица, а по наредба на јавен обвинител нивните тела се дадени на обдукција.
Во несреќата, со телесни повреди се здобило четиригодишно дете – сопатник, кое е пренесено во Градската општа болница „8-ми Септември“. Се трага по А.А. (56) од село Грчец, кој, според изјавите на роднини, бил во возилото пред да излета од патот.
На местото на настанот извршен е увид од страна на јавен обвинител и увидна екипа на СВР Скопје. Дополнително, екипи од СВР Скопје и Одделот за специјални полициски операции, со физичко пребарување и пребарување со два дрона, преземаат мерки за пронаоѓање на исчезнатото лице, со поддршка од САЕ „Тигар“ и Единицата за брзо распоредување.
