Обвинителот Љубомир Јовески наместо да одговара на прашањата им одржа лекција на пратениците. Тој жестоко ги искара членовите на Анкетната комисија дека водат паралелна истрага со Јавното обвинителство. А со тоа се кршел уставот и законите. Додавајќи дека на државниот јавен обвинител не му е местото во собрание да биде испрашуван,затоа што не е експерт и не може да сведочи за активна кривична постапка.
„Сè повеќе сум уверен дека не се работи за грешка, туку за излегување од надлежностите на собраниските тела, со цел да се наруши предистражната постапка што ја води Обвинителството. Јавниот обвинител ниту е експерт ниту може да биде повикан да сведочи за активна кривична постапка. Тоа го забранува Уставот, кој јасно ја дефинира поделбата на законодавна, извршната и на судската власт и ја гарантира самостојноста на јавниот обвинител како надлежен орган за кривичен прогон” – рече Јовески.
За Јовески имаше многу парашања, ама на ниту едно не одговори конкретно.Пратеникот Антонио Милошоски го праша Јовески како може ДЗР во март да достави извештај до ЈО за онкологија, а вие до ден денеска да немате истрага? Јовевски без конкретен одговор.
Сведок на анкетната комисија беше и министерот за внатрешни работи Оливер Спасовски кој кажа дека МВР постапува по сите барања кои се добиваат од Јавното обвинителство.Тој беше прашан дали со објавување на извештајот од ФЗОМ од страна на Христијан Мицкоски може да влијае или да ја загрози истрагата?
Анкетната комисија денеска треба да заврши со работа и да се донесат заклучоци во рок од 30 дена. Но се поизвесно е дека работата на ова собраниско тело ќе продолжи, но за тоа треба да одлучи пленумот, ова го соопшти претседателката на комисијата Рашела Мизрахи. А дали ќе се утврди политичка одговорност ќе се знае по донесените заклучоци.
