Заменик министерот за внатрешни работи, Астрит Исени во рамки на своите работни активности, го посети Секторот за внатрешни работи во Куманово и Полициското одделение Матејче, каде што од раководството беше запознаен со активностите кои се преземаат на територијата на Куманово.
На средбата беше потенцирано дека безбедносната состојба на целото подрачје на СВР Куманово е стабилна, соопшти МВР.
Исто така, се разговараше и за тековните активности, движењето на криминалитетот, одржувањето на јавниот ред и мир и предизвиците со кои се соочува овој сектор од аспект на недостаток на материјално-технички средства и недоволна пополнетост со човечки ресурси.
Од страна на заменик министерот за внатрешни работи Исени беше истакнато дека ќе бидат преземени сите потребни мерки за подобрување на капацитетите на СВР Куманово согласно потребите на секторот.
