А Европа се подготвува за можни нарушувања на авиосообраќајот ова лето поради недостиг на гориво за авиони. Европските авиокомпании предупредуваат дека доколку снабдувањето со гориво за авиони итно не се стабилизира, ќе следува масовно откажување на летови и приземјување на авионите. Европската комисија подготвува план за интервенција со ослободување на резервите на гориво доколку продолжи ситуацијата со Ормускиот теснец што ја намали доставата на нафта кон Европа. Авиокомпаниите веќе почнаа да реагираат на ситуацијата, откажувајќи непрофитабилни линии од своите распореди на летања, воведоа такси за гориво и за чекиран багаж што ги зголеми цените на авиобилетите.
Македонија засега нема проблем со авиосообраќајот, велат од Владата. Имаме доволно резерви на керозин, авиони точат гориво на двата аеродроми, дури и некои регионални се снабдуваат од Македонија, информираат од Владата.
