🎥 Поддршка за домашното производство за пониски цени

Владата крои долгорочна стратегија за заштита на животниот стандард. Клучно во процесот е министерството за земјоделство затоа што најважно е да се зголеми домашното производство и да се намали увозот како би паднале цените. Додека се работи на стратегијата на долг рок, можна е државна интервенција, меѓутоа се уште се чека да помине третиот месец откако на крајот на април престанаа да важат последните воведени мерки за ограничени маржи и цени .

Според министерот Бесар Дурмиши, покачувањето на цените било очекувано по истек на мерките затоа што се направила дестабилизација со ограничувањата кои ги вовеле, но очекуваат дека ќе се стабилизира.

Тие механизми ние што ги имавме ги употребиме, сега чекаме да помине месецот , ако има реално поскапување на основните прехранбени производи ќе излеземе со конкретни производи Работиме на долгорочна стратегија, рече Бесар Дурмиши – министер за економија и труд

Владата најавува и нови модели на пресметка на потрошувачка кошничка. Завршена е пресметката за просечна потрошувачка, а веќе е формирано советовадно тело кое работи на пет потрошувачки кошнички кои ќе бидат според потребите на пензионери, самци, брачни парови,  трочлено, четиричлено семејство. Ова ќе биде презентирано на следниот ЕСС кој ќе се одржи наскоро, а со ваквите модели се очекува да се добие реална претстава за потребите на граѓаните.

Од вчера работиме на пет потрошувачки кошнички сега ни е завршена просечната потрошувачка кошничка, вели Дурмиши.

Според последните податоци од државниот завод за статистика инфлацијата изнесува 4.5 %. Владата вели дека трошоците растат поради базичната инфлација, и се анализира што точно ја „подгрева“. Последната пресметка од синдикатот пак вели дека потрошувачката кошничка во јули е поскапа за 630 денари од јуни.