Општина Пробиштип заедно со граѓаните од денеска почна со креирање на програмите и буџетот за 2027 година. Во писменото соопштение од општина Пробиштип се наведува дека денеска е одржана првата форумска сесија, на која се разгледани предлог-програмите на Одделението за комунални работи, локални патишта и улици и на Одделението за урбанизам.
-Сесијата помина во конструктивна и корисна дискусија, при што беа изнесени бројни конкретни предлози и идеи за подобрување на инфраструктурата и унапредување на условите за живот во нашата општина.Сите пристигнати предлози ќе бидат внимателно разгледани, а на третата форумска сесија ќе бидат презентирани предлозите што ќе бидат прифатени и планирани за реализација во 2027 година-соопштуваат од општина Пробиштип.
Втората форумска сесија ќе се одржи утре со почеток во 17.30 часот.
