Државната комисија за спречување на корупцијата (ДКСК), во соработка со ИПА 2020 проектот „Поддршка на ЕУ за владеење на правото“, организира настан по повод официјалното почнување на јавната кампања „Лобирање во Северна Македонија”.
– Овој настан ќе го означи почетокот на кампањата за подигање на јавната свест за значењето на транспарентното, етичко и законито лобирање – како важен сегмент на демократските процеси, отчетноста и доброто управување – велат од ДКСК.
Во рамките на настанот ќе бидат претставени целите на кампањата, улогата на лобирањето во процесите на креирање политики и донесување одлуки, како и за предизвиците поврзани со транспарентноста и спречувањето недозволено влијание.
