По цели 53 години луѓето се враќаат на Mесечината, но нема да стапнат на неа, туку само ќе ја заобиколат.
Утре од вселенскиот центар на Флорида полетува ракетата на мисијата Артемис 2, во која 4 астронуати на НАСА, треба да се упатат кон Mесечината, да влезат во нејзината орбита, да ја заобиколат и безбедно да се вратат назад.
Тие ќе ги тестираат клучните системи на капсулата Орион вклучувајќи ги тие за одржување на живот, навигација и комуникации.
Доколку оваа мисија помине успешно, НАСА за следната година ја планира мисијата „Артемис III“, која предвидува спојување на капсулата „Орион“ со лунарните лендери „SpaceX“ и „Blue Origin“.
Овие мисии се само подготовка за планирното слетувањето на месечината, кое е планирано за средината на 2028 година, кога астроунатите ќе престојуваат една недела на месечината, додека следнатa мисија е уште поамбициозна – да се започне со изградба на лунарна база.
Ако изградбата биде успешна, тогаш ќе бидеме чекор поблиску до патување до Марс со екипаж.
Тимот кои утре ќе полета ќе биде составен од 3 мажи и една жена, која што ќе биде првата жена која што ќе ја освои месечината.
Ова ќе биде прв ваков лет со луѓе од времето на „Аполо 17“ во 1972 година, што му дава и силна историска тежина.
Четиричлената екипа, која веќе влезе во финална фаза на подготовки и карантин, ќе патува подалеку од Земјата отколку што било кој човек досега стигнал, со потенцијал да постави нов рекорд за оддалеченост.
Оваа мисија не е само тест – таа е предуслов за сите следни чекори, вклучително и идните слетувања на Месечината.
Истовремено, со испитувањата што ќе се вршат на Месечината човештвото ќе се збогати со знаење, а истовремено Месечината може да биде и ресурс за ретки минерали.
Мартин Трајчевски
