„Ако ова не престане, тогаш ќе одговориме“, рече секретарот за одбрана на САД, Лојд Остин.
Секретарот за одбрана Лојд Остин ги предупреди милитантните групи поддржани од Иран и изрази загриженост за осудата дека минатонеделниот воен одговор на САД на нападите во Ирак и Сирија не бил доволно силен.
„Ако немаме веродостојно, не само одвраќање, туку веродостојно одвраќање со Иранците, овие напади ќе ескалираат. Ќе дојдат побрзо. Тие ќе се прошират надвор од Сирија и Ирак и ќе вклучат оружје со зголемена софистицираност и законитост. Тоа е мојот најголем страв“, рече републиканецот Марко Рубио.
Стотици други војници се распоредени во регионот, заедно со одбранбениот систем Патриот како и терминалниот одбранбен систем со поголем дострел.
Ударната група на носачи на авиони се упати кон Заливот, додека втората ударната група носач на авиони се движи по источниот Медитеран.
Илјадници маринци на американски јуришни бродови патролираат во близина на Израел.
Американскиот маринец генерал Ерик Смит, изјави за Гласот на Америка дека воените сили се таму за заштита и одвраќање, а не да влезат во Газа.
„Нема намера да има американски воен персонал на теренот во Газа. Тоа не е ништо за што како член на Здружените началници сум подготвен да зборувам или за што воопшто сум разговарал. Ние сме таму за да обезбедиме, во тој регион да се осигураме дека американските граѓани се безбедни и дека оваа криза нема да се прошири или ескалира“, рече американскиот генерал Ерик Смит.
За оние кои се обидуваат да го прошират конфликтот и да ги таргетираат американските трупи, Смит го даде ова предупредување:
„Ако станеме ваша мета, некој друг ќе ги израсне вашите деца. И, тоа не е шега. Тоа не е дрскост. Така размислуваат маринците“, додаде Смит.
Јованчо Наумоски, Глас на Америка – Вашингтон
