Градоначалникот на општина Карпош, Сотир Лукровски денеска извршил увид во состојбата и условите во градинките „Орце Николов“ во Карпош 2 и „Мајски цвет“ во Тафталиџе.
Како што информираат од прес-службата на Општина Карпош, Лукровски разговарал со раководствата и вработените, каде биле разгледани просторните услови, инфраструктурата и секојдневното функционирање на објектите, како и предизвиците со кои тие се соочуваат.
Целта на средбата, како што наведуваат од општината, била согледувањето на проблемите директно на терен и во соработка со вработените да се утврдат потребните чекори за подобрување на условите.
-Градинките се места каде што децата поминуваат значаен дел од денот и затоа мора да се обезбеди безбедна, чиста, функционална и пријатна средина за секое дете – посочуваат од Општина Карпош.
