Државното обвинителство денеска информира дека во текот на ноќта и утрово, Основното јавно обвинителство од Гостивар издало повеќе наредби со цел откривање на сторителите кои вчера извршиле грабеж во златара во близина на Малиот пазар во Гостивар.
Разбојништвото се случило вчера попладне, а според информациите, биле ограбени околу 18 килограми злато, во вредност од околу 1,8 милиони евра.
Четворица маскирани напаѓачи, вооружени со автоматско оружје, го извршиле разбојништвото, по што побегнале со патничко моторно возило марка „БМВ“, без регистарски таблички. Џипот што бил користен при грабежот е пронајден запален на патот кон планинскиот премин Стража.
