Реклама

Се проширува достапноста на услугите на Алта банка – од понеделник се отвора експозитура во Прилеп

Костадиновски: Во 2023 година ѝ беше нанесен тежок удар на правната држава, се надевам грешките ќе бидат исправени

Мицкоски: За разлика од СДСМ и ДУИ кои се самоамнестираа, предлагаме закони кои ќе важат и за нас

Мицкоски: Состојбата во Европа е жестоко алармантна, но ќе се трудиме да нема поскапување

Мерко ја полнел Општина Струга со „фантомски“ административци – Ќура дели откази

Прилепската болница ги подобрува условите и за предвреме родените бебиња

Продолжуваат сопките околу надзорната расправа за „Алта банка“ – ВМРО-ДПМНЕ бара да продолжи утре, Лукаревска закажа седница за буџетот

Да не се шират лажни информации за „Стив Наумов“ – Делегацијата на ЕУ реагира по обвинувањата за лоши услови во домот

Раст што станува реалност, туризмот во септември со нови позитивни бројки

Нов удар на СДСМ врз монетарната власт: Со кривични пријави против Славески бараат НБРМ да биде обезглавена

Алта банка ќе преживее, проблем ќе биде како да се врати довербата во банкарскиот систем

Алта банка повторно функционира и со експозитура во Скопје, овозможена и исплата на плати и придонеси

Македонија

Од бараки стари повеќе од 50 години, учениците во Ченто добија училиште со европски услови – пуштено во употреба ОУ „Крсте Петков Мисирков“

До пред некоја година овде постоеја само бараки оставени од времето на…

Сподели:
Фото: Алфа Вести

До пред некоја година овде постоеја само бараки оставени од времето на земјотресот, повеќе од 50 години. Децата учеа во субстандардни услови, за разлика од тоа што денес можеме да го видиме, навистина европски услови – истакна денеска премиерот Христијан Мицкоски на пуштањето во употреба на новиот објект на Основното училиште „Крсте Петков Мисирков“ во населбата Ченто, во Општина Гази Баба.

Според него, новото училиште претставува резултат на заложбите за подобрување на образовната инфраструктура и дел од поширокиот инвестициски циклус што Владата го реализира во соработка со општините. Нагласи дека во моментов низ државата се реализираат повеќе од 1.200 проекти како резултат на политиките за поддршка на локалната самоуправа и децентрализација на средствата.

Тој упати благодарност до Општина Гази Баба, Министерството за образование и наука и жителите на Ченто за трпението за време на реализацијата на проектот, оценувајќи дека новото училиште ќе им овозможи на идните генерации значително поквалитетни услови за настава од оние што ги имале нивните родители.

Реклама

Министерката за образование и наука Весна Јаневска нагласи дека новиот објект е доказ за реализација на ветените проекти во образованието и за континуираните вложувања во подобрување на условите за учениците и наставниците.

– Ова што денес го гледаме е доказ дека она што сме го ветиле, ние и го остваруваме. На учениците и наставниците им се обезбедува дополнителен мотив за подобрување на квалитетот на образованието – рече Јаневска.

Таа посочи дека слични проекти за изградба и реконструкција на училишта, спортски сали и спортски терени се реализираат низ целата држава со цел да се создадат подобри услови за образование.

Градоначалникот на Општина Гази Баба, Бобан Стефковски, информира дека новото училиште е современ и целосно инклузивен објект со 30 кабинети и капацитет за 713 ученици.

– Вкупната инвестиција изнесува 170 милиони денари. Образованието останува во нашиот фокус и затоа паралелно работиме и на изградба на нова училишна спортска сала во Железара, проширување на капацитетите во училиштата „Његош“ во Јурумлери и „Крум Тошев“ во Трубарево, како и на новата спортска сала во Црешево – рече Стефковски.

Тој додаде дека целта на локалната самоуправа е рамномерен развој на сите населени места во општината преку инвестиции во образованието, спортот и јавната инфраструктура. 

Новиот објект на Основното училиште „Крсте Петков Мисирков“ во населбата Ченто е изграден на местото на старите бараки во кои со децении се одвиваше наставата. Станува збор за современ училиштен објект на приземје и еден кат со вкупна површина од 3.128 квадратни метри. Објектот е проектиран како целосно инклузивно училиште и е опремен со лифт, овозможувајќи непречен пристап за учениците со попреченост.